بعدما انفردت «الأنباء» بحوارها مع والدة المتسابق ببرنامج «ستار أكاديمي» السوري عدنان وكشفت لنا عن كل ما قيل عنه وتشويه صورته أمام المجتمع الكويتي، «الأنباء» تنفرد أيضا بحوار تفصيلي مع عدنان الموجود حاليا في سورية والذي كشف لنا عن حقيقة كلامه وتفسيره لجملة «يعرف بنات كتار بالكويت» والعديد من الأمور التي يصرح بها لأول مرة بعد خروجه من الأكاديمية والتي جاءت في هذه التفاصيل:
عدنان شنو تعليقك عاللي صار؟
أنا وايد مصدوم من اللي يقولونه البعض عني وانا الكويت بقلبي وكنت أتكلم عنها بالبرنامج أكثر من سورية وأمي مولودة بالكويت وانا مولود بالكويت وكل ربعي وصداقاتي سواء بنات أو شباب كلهم بالكويت وانا لما تكلمت بالبرنامج قلت اعرف بنات كتير بالكويت وما قلت كويتيات يعني لو أنا عايش بدبي أو أميركا أو الصين راح أقول عن صداقاتي في أي بلد منهم وأنا دارس في مدرسة أميركية بالكويت وهالمدرسة فيها العديد من الجنسيات وعلاقاتي مع البنات علاقة صداقة.
انت ليش قلت عبارة «بعرف بنات كتار بالكويت»؟
كنا قاعدين جلسة مصارحة مع مدام رولا سعد وجابوا طاري الحب والعلاقات فقلت لهم مو شرط وانا بعرف بنات كتار بالكويت بحكم عيشتي هناك والجملة انفهمت غلط.
وهم قلت في بنات بالكويت كانوا مفكرين اني كويتي وحاليا اكتشفوا اني سوري؟
أنا ربعي كلهم كويتيين وحتى لما نطلع «جروب» شباب وبنات في أي مطعم أو كافيه كنت أتكلم كويتي وهذا قصدي ان حتى اللي قعدوا معاي وما يعرفوني علبالهم اني كويتي واكتشفوا الحين اني سوري.
ويضيف: أنا وايد مقهور خصوصا اني احب الكويت وايد وما أرضى عليها ووايد ياني هجوم اني اتكلم عن الكويت أكثر من سورية كوني أمثل سورية بالبرنامج لكن هالشي مو مني وما أقدر اتصنع وصحيح اني سوري وافتخر لكن يا جماعة أنا انولدت وعشت بأرض الكويت وكل كلامي عنها ولو تلاحظ علم الكويت كنت معلقه فوق السرير لأني افتخر بكلامي عنها وبعد كل هذا يفسرون كلامي غلط.. الله يسامحهم.
عدنان شنو تعليقك عاللي صار؟
أنا وايد مصدوم من اللي يقولونه البعض عني وانا الكويت بقلبي وكنت أتكلم عنها بالبرنامج أكثر من سورية وأمي مولودة بالكويت وانا مولود بالكويت وكل ربعي وصداقاتي سواء بنات أو شباب كلهم بالكويت وانا لما تكلمت بالبرنامج قلت اعرف بنات كتير بالكويت وما قلت كويتيات يعني لو أنا عايش بدبي أو أميركا أو الصين راح أقول عن صداقاتي في أي بلد منهم وأنا دارس في مدرسة أميركية بالكويت وهالمدرسة فيها العديد من الجنسيات وعلاقاتي مع البنات علاقة صداقة.
انت ليش قلت عبارة «بعرف بنات كتار بالكويت»؟
كنا قاعدين جلسة مصارحة مع مدام رولا سعد وجابوا طاري الحب والعلاقات فقلت لهم مو شرط وانا بعرف بنات كتار بالكويت بحكم عيشتي هناك والجملة انفهمت غلط.
وهم قلت في بنات بالكويت كانوا مفكرين اني كويتي وحاليا اكتشفوا اني سوري؟
أنا ربعي كلهم كويتيين وحتى لما نطلع «جروب» شباب وبنات في أي مطعم أو كافيه كنت أتكلم كويتي وهذا قصدي ان حتى اللي قعدوا معاي وما يعرفوني علبالهم اني كويتي واكتشفوا الحين اني سوري.
ويضيف: أنا وايد مقهور خصوصا اني احب الكويت وايد وما أرضى عليها ووايد ياني هجوم اني اتكلم عن الكويت أكثر من سورية كوني أمثل سورية بالبرنامج لكن هالشي مو مني وما أقدر اتصنع وصحيح اني سوري وافتخر لكن يا جماعة أنا انولدت وعشت بأرض الكويت وكل كلامي عنها ولو تلاحظ علم الكويت كنت معلقه فوق السرير لأني افتخر بكلامي عنها وبعد كل هذا يفسرون كلامي غلط.. الله يسامحهم.