انا بحبك

انا بحبك
بس خايف اخدعك
وازاي اعيش
طول مانا ف دنيا الخداع
خايف اضمك
القى نفسي بودعك
ولمين هعيش
طول مانا ف لحظة وداع
مش هحبك
والقى نفسي بخدعك
مش هضمك
القى نفسي بودعك
لازم اشوف حل لحكايتي
لازم يكون قلبي معك
اشتاق لقولك واسمعك
انا لما بلمح نور بهاكي
بصرخ واقول ما ابدعك
انا لايمكن هخدعك
ولاحتى لحظه هودعك
دلوقتي جي لك ياحياتي
ياكل عمري ما اروعك

بوهب حياتي كلها
دلوقتي ليكي
واعشق جمال الورد كله
من عنيكي
واسرح واتوه في جنه حلوه
بتناديكي
واكون معاكي في كل مطرح
هكون معاكي وبين ايديكي
واسمع لغنوة حب منك
يسمعها قلبي ويلاغيكي
هكتب واقول عنك حكاوي
ماهو اصل كل الحب فيكي

لازم اخلي الناس تتعلم
معنى الحب اللي انا حبيته
واحكي واقول للناس واتكلم
ع اللي فقلبي وع اللي هويته
ع اللي ملالي حياتي محبه
ع اللي فرشلي الورد ف بيته
ع اللي اخدني لحضنه وقلبه
ع اللي اداني واللي اديته
ع اللي هداني حنانه وعطفه
ع اللي بحبي وروحي هديته

منقول
الشاعر المرحوم _ باذن الله _
عاشق الورد