* المقادير :
1 – كيلو لحم غنمي أو عجل
المشماش يابس -
- البرقوق يابس
1 – كيلو بصلة
- قبطة ديال القزبور و المعدنوس مربوطة
- الملح ¸ لبزار, اسكنجبير , الزعفران الحر, الملون, القزبور حبوب مدقوق
- زيت الزيتون
- سمن
الطريقة :
فكوكوط ندير لحم و العطرية كلها+البصلة مشلضة + قبطة ديال ربيع مربوط ,نحمر و نقلي كل شي,نغطي لحم بالما,نسد عليه إطيب,ندير البرقوق و المشماش يابس فكسرونة ديال الما باش يتنفخ و يرطاب,منين يطيب لحم, نعري عليه الكوكوط ونصفي البرقوق و المشماش من الما ونديرهم فكسرنة فوق العافية مهيلة مع الزبدة مدوبة ونخلط مزيان حتى يتدهنو مزيان و يتشربو الزبدة,ندوق المرق ديال اللحم و نزيد التوابل إلى بغينا خاصة الزعفران الحر و الملح,نزيد اسمن و نخليه يتقلا و يتدغمر ,منين إوجد نصب لحم فطبسيل ونخوي فوق منو الدغميرة,نزين لحم بالبرقوق و المشماش.
