مجروح ليه؟
هو خلاص اليأس اتمكن من أحلامك..!
وللا حماسك / داب مــ الصبر وتاه حواليه.؟
خللى العزم شديد جواك
لسه طريقك فيه أشواك
اوعى تْسَلِم لو تلاقيه
راح تتألم...بس دَ عادى
خليك راضى..
كَمِّل وامشي راح تنهيه
لاجل الورد تشمه وتفرح,
لازم تجرح إيدك فيه.
لاجل نهارك تشرق شمسه،
تلقى سواد الليل قَبْلِيه
وتلقى ديابه كتيرة بتعوي
وسط الضلمة اوعى تخاف
اياك حتى تبص عليهم
سيبك منهم
حلمك أولى تبُص عليه
اياك تعمل زيي وتنسى
بعد شوية الدنيا هتقسى
وهتتغلب
وهتتعذب
وتلاقي عزيمتك تنهار
إما تدافع عن أحلامك
وتعافر ضد التيار..
أو ترتاح وتبطَل غَلَبَه
إيه يعنى ما تعيش فـِ العار!!
مـَ أنا قدامك قاعد عاجز
بينى وبينها مليون حاجز
عايش وسط الناس فـِ مرار
اوعاك يابنى تكون محتار
سيبك مني وشُق طريقك
جَدِد عزمك باستمرار
وابقى ادعيلي
لو يوم توصل..
واتْرَحَّمْ على حلم اتْكَسَّر
ضاع ما اتْفَسَّرْ
علشان صاحبه ماخدش قرار
هو خلاص اليأس اتمكن من أحلامك..!
وللا حماسك / داب مــ الصبر وتاه حواليه.؟
خللى العزم شديد جواك
لسه طريقك فيه أشواك
اوعى تْسَلِم لو تلاقيه
راح تتألم...بس دَ عادى
خليك راضى..
كَمِّل وامشي راح تنهيه
لاجل الورد تشمه وتفرح,
لازم تجرح إيدك فيه.
لاجل نهارك تشرق شمسه،
تلقى سواد الليل قَبْلِيه
وتلقى ديابه كتيرة بتعوي
وسط الضلمة اوعى تخاف
اياك حتى تبص عليهم
سيبك منهم
حلمك أولى تبُص عليه
اياك تعمل زيي وتنسى
بعد شوية الدنيا هتقسى
وهتتغلب
وهتتعذب
وتلاقي عزيمتك تنهار
إما تدافع عن أحلامك
وتعافر ضد التيار..
أو ترتاح وتبطَل غَلَبَه
إيه يعنى ما تعيش فـِ العار!!
مـَ أنا قدامك قاعد عاجز
بينى وبينها مليون حاجز
عايش وسط الناس فـِ مرار
اوعاك يابنى تكون محتار
سيبك مني وشُق طريقك
جَدِد عزمك باستمرار
وابقى ادعيلي
لو يوم توصل..
واتْرَحَّمْ على حلم اتْكَسَّر
ضاع ما اتْفَسَّرْ
علشان صاحبه ماخدش قرار