قلبي بدونك !!!

رغم المسافه وابتعادك عن الشوف
الشوق يرسم لي ملامح عيونك

أموت لك مليون مره من الخوف
ياواحد عيت حياتي تخونك

ياكيف أخونك وانت مولود بالجوف
وبين الحنايا منك نور يصونك

تعال خل القلب يغزلك الصوف
يمكن ادفي فيه لهفة جنونك

وبعدين يلي كل أعذارك أظروف
وبعدين يلي ماتشافت طعونك

حاول وخل القلب لو عنك يشوف
تعترف بعدها كيف قلبي بدونك

لالاتجيني حلم في ليل مكسوف
مابي الخجل يدخل مساحات كونك

نفسي تجيني يوم مشتاق ملهوف
وتشوف كيف اضلوع قلبي يجونك

يالله تعال وسو في القلب معروف
حرام تحرمني مشاهد عيونك