*الحلقة 06 من كرسي الاعتراف مع ........*

السلام عليكم ورحمة الله
اولا شيء نشكركم على المجهودات الي تقومو بيها ألف شكر ليكم

شكرا لنوسة لحياة علبالي تعبتو لعشية كامل
يعطيكم الصحة ربي يخليكم
الكرسي هايل وزيد كاين mp4
القعدة فووووووور
درك راح نأدي القسم

بسم الله الرحمن الرحيم

أقسم بالله ان اقول الصدق واكون صريحا مهما كان نوع السؤال





شكرا على العصير والقهوة نوسة

اهلا بيكم نوركم ألف شكر على مروركم العطر
مانو هههههههههههههههههه ان شاء الله مايهبطش
فريدو نورك اختي راهم موفرينلي كل شيء اتفضلي اشربي لعصير وانا نشرب القهوة
هههههههههههههههه
حويتة الف شكر وراني كنت قلقان نسنا فيك تجي خاطر mp4
ماحبش يمشي
ياه نندب اذا هدا سؤال بسيط اواه مانو بدلت رايي نضن يهبطلي السكر
راح نجاوبك حويتة اختي
تحصلت على نقطة ماكنتش خلاص مركز يعني نقطة تاع واحد عمرو قرا هههههه
3 / 15
:lol:

منورين

منور الكرسي مينو
و لي رجعة قريبة

نورك نهلة
نورك عمور

هههههههههههههههههههه عامر كنت نتفرج في الجزيرة قطعتلي التفراج ياجدك اسنا نطفي جدو ونبدا نجرد


ههههههههههههههههههه منور الطابوري مينو ولا انقلك اهبط واقعد على الكارلاج خير مناش تاع كرسى حنا موالفين غير باطابوري برك الكرسي راك اتشوفو غير في الجامعة اهبط اهبط اسمع حبيت نسألك وشحال من سؤال بصح انلخصو في سؤال واحد كيف هي حياة محمد الأمين يعيني كيفاش عايش حياتك من انهار زدت لليوم وتنسى حاجة نقتلك يا جدك ابدا يا المعلم ابدا متجي اتكمل الرد على سؤالي
يخلاص وقتك تاع الكرسي هههههههههههههههه

بسم الله الرحمن الرحيم
كفاه راح نبدا هههههههههههههه
فتحت عينيا على الدنيا هادي لقيت عندي والد رايع قدوة وام طيبة كثير وعندي خوتاتي بنات فقط اربعة
رباوني احسن تربية طبعا أول مرحلة هي أول كلمة ننطقها ههههههههه ماقلت لا بابا ولا ماما قلت دادا للوالد كل مانشوفو نقول دادا بقات في مانعرف راهم يقولو كنت عاقل ماكنتش نعذبهم بزاف ههههههه
جات مرحلة الدراسة الصراحة ماكنتش نحب نقرا كنت نهرب مانروحش نقرا هادي سنة اولى وكاره ههههههههه
المدرسة ماشفتهاش خلاص فات شهر ومادخلت ماوالو صحابي كامل يقراو الا انا مرة جارنا سيف عليا وداني نقرا وكي دخلت اول مرة لقيت واحد المعلمة ياجدك تخوف تخلعت علبالك راسها يرجف كي تهدر جارنا قالها هدا مايحبش يجي يقرا خلاص فهي كانت حاملة عود طويل وراتهولي وقالتلي اسمع من اليوم نحبك تجي تقرا فهمت فانا من هداك ليوم نوض وقبل مايروحو لغاشي نخرج من الدار الأول ونسنا في باب المدرسة ههههههه وهكذا وهي قراتني من الأولى للسنة السادسة كبرت معاها والله كانت رعب الفلاقة هادي تفطر بيها عادي كنا كي نجيو من العطلة منين ندخلو تخرجنا نحفظو جدول الضرب الي يغلط يروح ينحي صباطو ويسنا الضرب وانتقلت للاكمالية وعقبت بياف لكن مانجحتش اول مرة وبعدها نجحت الحمد لله
كان عندي صديق خويا مش صديق برك
كنا روح وحدة كنا نحبو نركبو الدرجات النارية مهابل انا سعات نكون مشاغب سعات نعقال ههههههه
كي كنت مشاغب ركبت الدراجة عادية و قلنا نديرو سباق مع مجموعة من الأصدقاء وكانت المسافة طويلة أول مرة نبعد هك كانت من مدينتي لخروب لبلاصة يسميوها كاتريام نضن حياة تعرف لبلايص كانت المسافة حوالي 10 كلم بالتقريب
عملنا حادث وتهشمت انا دقدقت أول مرة نشوف وجه أمي وهي مخلوعة كي دخلت عليها ومن تم ماعدتش نركب فيهم علجالها فقط لاني وعدتها
عييت يا عمور هههههههه
اما داخل الاسرة كنت عادي بين خوتاتي هما سندي نكون معاهم ديما مايخبيو علي حتى حاجة وحتى انا
اما الوالد لازم كي توصل 6 نوض هك عندو لازم مرة قلتلو علاه قالي نوض واخرج شم لهوا تاع الصباح وماتبقاش راقد حتى واذا ماتخدمش هههههه
والفت درك نوض دايما هاد الوقت حتى واذا سهرت
نرجعو للدراسة وصلنا للباك كنت أدب لوالد قالي دير علوم وانا اخترت أدب كنت حاب نكون قاضي من صغري مانعرف علاه
وقريت وكنت ضعيف في الرياضيات بزاف عاونتني اختي هبلتها طبعا كما مهبلكم نتوما درك للدرجة اني خارج صباح ربي وهي ورايا ركز مليح عندك الحمد لله نجحت وكملت ووصلت للجامعة وبديت نتعلم حوايج اخرين كنت نضن حبيت كان عندي مبدا انو البنت ولا الولد لما يوصل لعمر معين يبدا يحوس ولا تحوس على شريك حياتها فانا عمري 21 كنت نضن هدا وقتي ههههههه
ايه كنت معاها كانت تقرا معاي وماكتبش ربي كان مشكل تفارقنا ومن تم مكان عندي حتى علاقة الا لما سجلت في المنتدى حبيت انسانة صح بكل معنى أول مرة نحب في حياتي وتمنيتها تكون ام ولادي لكن مستحيل لعدة اسباب
ودرك راني نخدم ومعتمد على نفسي والحمد لله تعلمت حاجة الحب ماعادش كاين في هاد الوقت حتى واذا حبيت صح ماتلقاش الي يحبك ويقدر وفي وقتنا الحالي راني مع لقرايا ولخدمة والعام هدا نتخرج باذن الله اذا كتب ربي
ونكمل حتى نحقق حلمي نلتحق بسلك القضاء
ان شاء الله
اكيد مهما نكتب مانقدرش نكتب كل شيء هادي بصفة عامة وكاش سؤال مستعد نجاوب عليه عمور
منور

هههههههههههههههههههههههههههههههههههههه نبيلة السؤال تاع حياة تشليت منو وتقلك بسيط هههههههههههه
اما عامر درتلو غرضو يديها يومين وهو يقرا
هههههههههههههههههههههههههه بلاك راح يألف قصة عليا
واشمن كرسي راني فوق كارلاج السكر هبطلي

منورة نبولة يما
شكرا ليك

هايل مينو هههههههههههههههههههههه عجبتني القصة رايح انديرها فيلم يا جدك اسمع كي اتجي عندي في الصيف ونبداو الرحلة الي قتلك عليها من بعد نبدا في تسجيل الفيلم انتاعك هذا امممممممممممممممممممممممممممممممم اسنا نفكرلو في عنوان جرح الزمن اممممم لالا مكانش من جدو مينو عاوني في عنوان ههههههههههههههههه اسمع خلي الأعضاء يتخيرولنا عنوان للفيلم انتاعك نخدموهم شوي ههههههههههههههههههههه امممممممممممم فكرة اتهبل الي يعطينا احسن عنوان لفكرة مينو راح نعطولو رقم بطاقة 500 دج على رسالة خاصة في المنتدى ومين رايح يكون صاحب افضل عناون لفيلم مينو يلا اعضاء ابداوووووووووووو 1 2 3 ابدأ

ههههههههههههههههههههههههههههههههه
عامر مانيش وحدي مهبول ياجدك اوك موافق شوف غير نجي في الصيف وجدك روحك
والجائزة نضن مغرية :idea:

هيا الي لقى عنوان يبعت رسالة هههههههههههههههه
عامر كي نجي في الصيف نبداو برورو لازم يعشينا

عاشقة نيكول تنوري كتب:

منور مينو الكرسي

وجعوني عيوني وانا اقراء بقصه حياتك

عامر نفكر بل عنوان ونردلك

ولي عوده مينو بأسئله جداا خفيفة

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههههه
عبورة عمور هو السبب هادي مش قصة حياتي هادي موجز برك ههههههههههههههه
نورك عبورة اختي في انتظارك

manar58 كتب:

هه عيبر ما تفكريش مينو قصة حياتو بسيطة جدا

والعنوان /*حياة مينو على يد القدر *


مينو انا ما نلومكش على الجرنان تاع اليوم

كون نحكم عامر نفرطسلو شعرو قولي ما خليت واش نسقسيو حنا اسال سؤال تاع 21 سنة ربي يهديك يا عامر قتلتلي وليد بلادي راك تشوفلا فيه كيفاش نقص ووجهو خايب حرام عليك

مينو عندي سؤال ولا 2 برك

انت حبيت فتاة المنتدى وقلت انو خليتها على جال اسباب اعطيني اهم الاسباب

وشنو هي مواصفات فتاة احلامك

و تاني شيء وشنو هي سلبياتك وايجابياتك ؟؟؟؟

هدا ما كان لليوم
والى الحلقة القادة مع مسلسل مينو مع القدر

واشرب وكول غير الحوايج تاع السكر راني خايفة عليك

اسمعي عنوان قصة حياة طويل قصري فيه شوي هههههههههههههههههههه
:P هههههههههههههههههه
واش ناكل تعرضي فيا وانت ماجبتي والو
هاد الساعة غير نتفرج في الجزيرة كتر خير حياة جابتلي باه نتفرج
السكر هبطلي

اوكي نجاوب على سؤالك
اولا ماخلتهاش تفارقنا
ثاني حاجة اهم سبب انها نساتني ماعادتش تحبني
وهذا يكفي نضن لكن الاسباب الاخرى كنت نغير بزاف ونخاف نخسرها وخسرتها وهي تستاهل واحد أحسن مني

المهم تكون متخلقة وطيبة وعندها شخصية
علبالكم كنت نتفرج ماتش mocمع csc
كي جيت قالتلي حياة ادخل شوف الماتش راهو في الكرسي ههههههههههه

سلبياتي طبعا نعرفها من الناس الي نعاشرهم الاغلبية تقولي راك عصبي ومتسرع وراسك خشين هادي زادتها حياة ههههههههههه

وكاين الي يقولي حشام

الاجابيات طيب وخدوم هدا مكان
منورة مانو قصدي عايدة

بلادي هي الجزائر كتب:

هع اهلا مينو هههههههههههههههههه مضلم الكرسي امممممممم نقصد منورو ههههههههههه

بش بش بش مياااااااااااااااو

هههههههههههههههههههههه زعما قلت نسال سؤال لقيت منار سألاتو

لكن نكررو معليش مع ان ممنوع التكرار

انت قلت:
لما سجلت في المنتدى حبيت انسانة صح بكل معنى أول مرة نحب في حياتي وتمنيتها تكون ام ولادي لكن مستحيل لعدة اسباب

ههههههههههههههه منار قاتلك هات اهم الاسباب

انا زعما نغيير ونقولك هات جميع الاسباب بلاك تنسى واحد

ايا ايا قرعجلنا شوية

راني نولي انشاء الله بعد الاجوبة ونفليهم ونزيد نجبد اسئلة منهم

هههههههههههههههههههههههههههه صار مضلمو
فيفي راني جاوبت على سؤالك


بش بش بش مياااااااااااااااو

بلاك تنحي علي هدا

منورة فيفي وفي انتظار عودتك

ههههههههههههههههههههههه عايدة معجبنيش العنوان وكان جاء من عند نهلة اوكي بصح من عندك مرفوض هههههههههههههه
مينو راك اتشوف الست عايدة هانم ولا اتعلي في صوتها قاتلك اخطي ولد بلادي شوف يا سيدي
مينو اهدر معاها لا انفوت ليها انكسرلها فمها
وااااااااااااااااااااااااااااااع للأسف جات اختها نهلة منقدرش والله يشدلك في نهلة عايدة ولا نقتلك يا جدك
2500 2500 اطلع مينو اطلع خليك من الكرسي نضربو دورة ههههههههههههههههههههههههههههههههه

عامر الجلفة كتب:

ههههههههههههههههههههههه عايدة معجبنيش العنوان وكان جاء من عند نهلة اوكي بصح من عندك مرفوض هههههههههههههه
مينو راك اتشوف الست عايدة هانم ولا اتعلي في صوتها قاتلك اخطي ولد بلادي شوف يا سيدي
مينو اهدر معاها لا انفوت ليها انكسرلها فمها
وااااااااااااااااااااااااااااااع للأسف جات اختها نهلة منقدرش والله يشدلك في نهلة عايدة ولا نقتلك يا جدك
2500 2500 اطلع مينو اطلع خليك من الكرسي نضربو دورة ههههههههههههههههههههههههههههههههه

هههههههههههههههههههههههههههههههههههههههههههههههههه

عمور عندك راهي تتمايل بينا كون تنسف علينا عايدة نروحو فيها
عايدة مادام قالك عامر ماعجبنيش العنوان شوفي واحد اخر خاطر هو صاحب الفكرة
ازربي لا تروحلك الهدية
:evil:

عاشقة نيكول تنوري كتب:

[ندعوك للتسجيل في المنتدى أو التعريف بنفسك لمعاينة هذه الصورة]


1- ماذا تعني لك المشاهد التالية ...!؟

- بكاء طفل

- أنين أم

- انكسار رجل

- شخص بلا وطن

- شقاوة أطفال

- حديقة زهور

- نار مشتعله

- الشاطئ وقت الغروب

- موسيقى هادئة


اجمل بيت شعر قرأتة والى من تهدية ؟

[ندعوك للتسجيل في المنتدى أو التعريف بنفسك لمعاينة هذه الصورة]

بكاء طفل : فقدان الأم
أنين أم : وداع الابن
انكسار رجل :امرأة متغطرسة ومستهزئة

شخص بلا وطن :شخص بلا أمان
شقاوة أطفال : في بعض الأحيان طلع الضغط عموما تعبر عن شخصية قوية
حديقة زهور : الأمومة
نار مشتعلة : الغيرة يالطيف
الشاطء وقت الغروب : الرومانسية
موسيقى هادئة : الاسترخاء

أجمل بيت :فيا قلـب دع ذكرى بثينة إنها * * * وإن كنت تهواها تضنُّ وتبخل

الى كل من أحب بصدق جميل بن معمر

شكرا عبورة منورة اختي

[ندعوك للتسجيل في المنتدى أو التعريف بنفسك لمعاينة هذه الصورة]

شوف مينو انا رح نهديك هده السياره في بلاصة الاسئله واش قلت ادا ما عجباتكش راني رح نسألك أسئله خطيره هههههههه