من صغري وانا اسمـع يقولـون الزمـان يـدور
يعني اذا بيوم يضحك لي بيجـي باكـر ويبكينـي
وكلن شايل همه احـد ضايـق واحـد مقهـووور
وانـا بـس اواسيهـم ومابـه مــن يواسيـنـي
وانا مـاودي اتكلـم وابـوح واكشـف المستـور
ولكـن يالغـلا صـدك علـى هالبـوح يجبرنـي
انـا للحـزن قصـه ولـه فـي داخلـي دستـور
اجامـل وابتسـم لنـاس ودمعـي ساكـن بعينـي
وانا الي حيل يتعبنـي لاضقـت دمعـي المغـرور
تخيـل مايبـي يسكـب يخـاف انـه يريحـنـي
اموووت بضيقتي فيني واعاني من زمـان الجـور
وتخنق عبرتي صـدري وتجـرح دمعتـي عينـي
انا ماودي ازيـدك هـم انـا ودي تعيـش سـرور
ولكنـي ابـي تعـرف تـرا حزنـي يبعثـرنـي
انا قلبي من عنا وقتي حزين وخاطـري مكسـور
وانـا الـي زايـد بهمـي صمتـي الـي متعبنـي
وترا مها يضيق الكون ترا عقـب الظـلام النـور
يعنـي مثـل ماضاقـت بتفـرج باقـي سنيـنـي
انا لوقلت لي ضايق اشيل همك انـا علـى الفـور
انا ما ابي احـد يحـزن واذا بـه شـي يربطنـي
وانا الـي بينـي وبينـك شعـر ومحبـه وشعـور
طاهـر يجمـع محبتنـا مثـل محبـه اخويـنـي
وانا شعري ترا مابه غمـوض وعنجهـه وغـرور
وانا شعري صدر بااحسـاس طفـل ساكـن فينـي
انا ودي ابين لـك وابـوح بكـل مافينـي يـدور
ولكـن مـا ابـي اصبـح ثقيـل ومـا تدانيـنـي
وانا موتي ولا اصبح على احد(ن)ثقيل ومايبيلي دور
وانا ودي اذا جاء موتـي امـوت وعزتـي فينـي
وكانك يا الغلا تبغى يكون القصيـد بيننـا منثـور
اجل اقرب وانا اكتب لك قصيدن يوصـف سنينـي
وانا اقول على كـل الـي مضـى مشكـوووووور
وكاني اخطيت فـي حقـك ابيـك الحيـن تعفينـي
وانا بطلب بآخر بيت من الي يعلم ماخفى بصـدور
انه يسعـد قلبـك دووووم ويسعـد باقـي سنينـي
