*معنا على كرسي الاعتراف..........*

مساء النور سااااااااااااااااااارة وصح فطورك

يا الزينة

وهاكي الاسئلة

اتمتعي دركا
اهلا منار منورة من جديد يا غالية نتمع منار؟ ههههههههه معليهش ديري رايك فيا كون متحكمنيش في هذي اللحظة خلاص يفوتك القطارهههه
1- متى تخفين إبتسامتك .. ومتى تظهري دموعك ..؟
اخفي ابتسامتي:اذا كنت مستحيه (طبعاً)
واظهر دموعي اذا احد ضايقني واستفزني..او موت احد اقاربي (لاقدر الله)

2-عندك 4 وردآت .. حمراء - صفراء - بيضاء - زرقاء .. لمين تهدينها ..؟

وردة حمراء.. الى شخص لم يأت بعد....
وردة صفراء..الى من سأهدي له الوردة الحمراءلان الحب يرتبط بلغيرة
وردة بيضاء.... الى القلب الطاهر امي
وردة زرقاء..... لصديقاتي

3- شخصية تعتزين بالتعرف عليها .. ؟
سلومة

4- إذا إقترب وقت رحيلك من مكان تحبينه ولك به أحباب ولم يبقى سوى الوداع ولكنك لا تطيقين الوداع ,, وش تسوين ؟؟
انا ما احب شي اسمه وداع وعلى فكره انا اهرب من ها المواقف اكثر الاحيان ما اودع الشخص اتم منخشه ويوم يهاجر اطلع وانا مبتسمه بابتسامه غريبه ..


5- من هو مثلك الاعلى في الحياة؟؟ ولماذا هذا الشخص؟؟
ماما لانها فيها كل الصفات اللي ما تحصيها من اي شخص

6-ماهي الحكمه التي تعملين بهااا؟؟؟
يضحك كثيرا من يضحك أخيرا
- يضحكك وإنتِ تبكين ..!

7- من ..!!
- يضحكك وإنتِ تبكين ..!
فيه بزاف في البيت ماما وفي النت اذكر البعض سلومة سامرنبيلة نوسة......
- يفضي لك بأسراره ..!
صديقاتي
-ملكك بكلمة ..!
امممممم كحلوشتي
- أبـكــاك ..!
سلومة مرة حدث سوء تفاهم ...
8 - من ماذا تخافين منه يـآ سارة ..؟

اخاف من الفشل
9 - مكان زرتيـه وما يروح من بالك ..؟
عنابـــــــــة
10-وش رايك بطريقة تعامل كروش في المنتدى ..؟

مليحة عاجبتني طريقتو
13- همسة عتاب لمن توجهينها ...ولماذا ...؟
لا يوجد

14- وين تلقين نفسكـ أكثر بالهبال والصرقعه .. والا الهدوء والرومانسيه ..؟

بالرومنسية والهدوء لا مانع من الصرقعة لتغير الجو

15-أغنية تحبينها وتحسين كلماتها مكتوبه لك..؟
الأماكن كلها مشتاقة لك والعيون اللي انرسم فيها خيالك
والحنين اللي سرى بروحي وجالك ماهو بس انا حبيبي
الاماكن كلها مشتاقة لك
كل شي حولي يذكرني بشي حتى صوتي وضحكتي لك فيها شي
لو تغيب الدنيا عمرك ماتغيب شوف حالي آه منتظر ايه علي
الأماكن الاماكن
الاماكن كلها مشتاقة لك مشتاقة لك
المشاعل في غيلبك ذاب فيها كل صوت واليالي من عذابك عذبت فيني السكوت
وصرت خايف لاتجيني لحظة يذبل فيها قلبي
وكل اوراقي تموت
صرت خايف لاتجيني لحظة يذبل فيها قلبي
وكل اوراقي تموت

16- بيت شعر تحبينه ..؟
اداوي الناس واسأل من يداويني
واضحك مع الناس والدمع بطرف عيني

شكرااااا منار على تفاعلك معي انشاء الله تكون اجوبتي مقنعة دمتي

ياااااااااااااااو صحيتي يا سارة
واش كاش افيشاش و لا والو
معليش يجيب ربي
يلا نبداو بسم الله


بماذا افادكي النت و بالخصوص المنتدى
و هل ندمتي يوما بتسجيلك في المنتدى
و ...........
و.................
و............
و..........
و...........
كملي وحدك انا عيييت ههههههههههههه
سلام سرسورة


هههههههههههههه نبيلة كاين لفشاش بصح راني مليحة خمسة وخموس مدام مقاسنيش سنتاز راني هايلة
يلا مع اسئلتك انتي روحي ارقدي وانا نكمل ههههههههههه والله متحشمي


بماذا افادكي النت و بالخصوص المنتدى
و هل ندمتي يوما بتسجيلك في المنتدى

افادني النت بحوايج بزاف بزاف لدرجة ذرك وليت مدمنة عليه يتقطع عندي روح ليسبار ومش كي كون عندك في البيت وعارفة الادمان نتاعو صعيب بزاف ميخليكش تتحكري خلاص اما المنتدى كنت متمنية اني نسجل فيه ولما تعرفت على سلومة هيا لي عرفتني عليه وسجلتني وليت ندخل بزاف ليه وتعرفت على اغلى واروع ناس لي صارو اكثر من اخواتي وليت مدمنة عليهم ولازم ندخل نحكي معاهم ولو كلمة ونخرج المنتدى مندمتش عليه كي سجلت بالعكس رغم الظروف لي مريت بيها بصح جامي ندمت لو قلت ندمت اني سجلت يعني نغدر نقول ندمت على اصدقائي لي تعرفت بيهم بلعكس المنتدى له مكانة خاصة ويعطيك الصحة نبيلة يا جدك حبسلي ستيلو وانا نكتب وانشاء الله نكون وصلت لو حاجة صغيرة دمتي نبولتي

رجعتلك يا سارة واكيد منورة

01- بمادا تحلم سارة ؟
احلى احساس ان العقل يذهب فى رحله لعالم الخيال
يكفى بس ان نعيش هذا الحلم حتى ولو لم يتحقق
واكيد هنخرج من عالم الاحلام الى عالم الحقائق
واوصى بالتقاؤل ثم التفاؤل ثم التفاؤل حلمي الوحيد ان اكون طبيبة واداوي كل مريض

02- لمادا في نظرك اصبح عصرنا زمن الماديات وتجاهلنا الاحاسيس ؟

إن التنافس مع الذات هو أفضل تنافس في العالم ، وكلما تنافس الإنسان مع نفسه كلما تطور ، بحيث لا يكون اليوم كما كان بالأمس ، ولا يكون غداً كما هو اليوم . العكس انا من الذين يتعاملون بزاف بالاحاسيس مي فيما يتعلق بشكل عام لازم تعرفي بلي عندك مليون تسوى مليون عندك دولرو تسوى دورو نا في هاذ الوقت الاحاسيس لا نتوكلك شي يعني راك حبيت واش راح تربح ولا تجيب منها والانسان لازم يعيش هكذا يفكرو وهذا للي جعل نا نتعداو الاحاسيس ومانخموش عليها زمن الاحاسيس مات وولى هنا وصلنا لزمان المال والجريان وراء المال بصح عند ربي نشوفو المال ولا نديوه فجيوب الكفن......

03- بمادا يقاس النجاح في نظرك ؟
النجاح هو انك تعرف قيمتك فالددنيا وتكون محترم لنفسك قبل غيرك وكيما يقولو لو جا فاهم الله لاقرا
وطاعة اللله ورسوله النجاح هو ربح رضى الوالدين
اما عن الثقافة ذلك ماهو الى تخزين في العقل.....

شكرانوستي انشاء الله تكون اسئلتي مقنعة

شكرا سارة على اجوبتك

العفووو يا غالية نورتي صقحتي مرة اخرة
01- يقول المثل المحن تعرفنا الاحبة هل مرت سارة بمحنة وعرفت حقيقة احبتها
.........لالا.........لالا
02- في رايك ماهو مفهوم الرجولة
انا ساعات بحس انى بكره كل الرجالة اللى فى الدنيا
برايي ضاعت معاني الرجولة بزماننا المخيف هذا لكن لازال الامل قائما عليكم يا شباب

03- لمادا حلمك ان تكوني طبيبة يعني ماهي الغاية من دلك ؟
يعني من صغري كنت احلم نصير طبيبة ولما كبرت وتألمت صح كل مرة تصرالي حاجة ومنغدرش ندير ولا شيئ نشوف بالعين برك ومانيش فاهمة ونقول في قلبي اه ياااادنيا لو كنت طبيبة وافهم ما الذي يجرى ......

تحياتي لكي نونووووسة

[b]

منورة سارة الكرسي الاعتراف
وان شاء الله يكون جلستك همزة وصل تعارف على الانسانة قبل العضوة سارة
ـ ماهي السلوكيات التي تصنفيها ضمن خانة الخط الاحمر والتي لاتغتفر بالنسبة لسارة
ـ ماذا تنصح سارة لجيل اقل من جيلها مراعاة لاختلافات الظرفية المتطورة
ـ ماهي نظرة سارة المستقبلية وهل تضع لنفسها مخططات مدروسة بعقلانية او حسية اكثر منها
ونتمنى لكي ولوالديك الصحة والعافية وطول العمر يارب
وان شاء الله مانكونو اثقلنا عليك
تقبلي مروري



اهلا كبرياء منورة الكرسي اكيد بوجودك وجامي تثقلي عليا باينة متوزنيش بزاف ههههههه ربي عيشك واكيد نتمنى كل المرضى الشفاء العاجل سواء والديا او اي مريض وشكرا على تفاعلك معي

ماهي السلوكيات التي تصنفيها ضمن خانة الخط الاحمر والتي لاتغتفر بالنسبة لسارة

....سارة من اللواتي يكهن الخيانة والتكبر و ان يكون الطرف الاخر ان يكون حقرا لنفسه

ـ ماذا تنصح سارة لجيل اقل من جيلها مراعاة لاختلافات الظرفية المتطورة

ننصحو انو يروح يعيش فالمريخ ولا زحل لانو لم تبقى بقعة عالارض في هلا رحمة....


ماهي نظرة سارة المستقبلية وهل تضع لنفسها مخططات مدروسة بعقلانية او حسية اكثر منها

نظرة سارة المستقبلية هي من اللواتي عندهن ثقة عمياء بنفسهن يحبن التحدى والمغامرات ولا تخفن من شي غير خالقها

شكرا يا غالية وانشاء الله تكون اجوبتي مقنعة[center]

عدل سابقا من قبل SARA في الخميس 4 يونيو 2009 - 20:15 عدل 1 مرات

اهلين سرسورة راكي صحيتي
ال رجولة ال
الرجالة راحو وقت الثورة يا حصراه على الرجالة و لا واش قلتي هههههههههه
واش نقلك يا سارة
نسال اكيد يلا بسم الله
1 * من اقرب الاعضاء اليك بالمنتدى
2 * مادا تعني لكي الصداقة
موفقة يا رب سلااام

ههههههههههه وش راكي شوي ال رجولة ال راني فسرتها نبيلة وشمن رجالة قعدو مكانش روحو في وقت الثورة صح هههههههههههههه

اقرب الاعضاء سلومة سامر كاتبة الموضوع اكيد ههههه نوسة

ماذا تعنيلي الصداقة؟

ماذا اقوول عن الصداقه
ما أجمل الصداقة بالصديق وما أجمل الصديق بالمودة و الوفاء .....
الأصدقاء في بورصة الحياة هم النقد الذهبي أما الفقير فمن لا صديق له .
أصدقاء المصلحة ككلاب الطريق تحب العظم أكثر من اليد التي تلقي بها .
الأصدقاء والدواء يحتاج إليها الإنسان في اليوم العسير.
الصداقة هي الوجه الآخر الغير مرئي من الحب.
المشكلة ليست في صدق الكلمة بل في صدق الفعل .
رجل بلا صديق كرجل بذراع واحدة .
الحرمان من الصديق كالحرمان من النور.
الصداقة الحق نبات بطيء النمو الصداقة كالعدوى تنتقل من يد إلى يد .
تمهل عند اختيار صديق و تمهل أكثر عند تغييره
بيتي ضيق جدا لكنني أحلم أن يمتلئ بالأصدقاء

وشكراااااااااااااا نبيلة دمتي وراكي صحيتي

شكراااااااااا سارة وبالفعل اطبعتي باجويتك مدى الوعى والواقعية والاخلاق واجمل الصفات التي تدخل ضمن صفات الانسان الخلوق والرزين
تشرفنا بعضوة بل صديقة مثلك
وبالتوفيق في كل جوانب حياة سارة


العفوووو اختي الغالية اعتز بمعرفتك وتفاعلك معي دمتي وانشاء الله نكون كفيت وفيت

اهلا سارة راكي فوووووووور
من جوابك قلتي انو اقرب الاعضاء اليكي سلومة و سامر و نوسة
و ما ذكرتيش نبيلة 19 lol: Laughing يعني ما فهمتش واش انا بالنسبة ليك أ?أ•أ‌أ¦أ‘
أ“أ،أ‡أ£ أ?أ،أ­أ?أ£ دمتى سرسورة

هههههههههههه اهلا نبيلة ياااااااااااو ركزي مليح عليها دخلتي سنتاز هههههههههه بصح معليهش انى كيف كيف انا ذكرت اسمك بلغز عاودي ارجعي لصفحة واقراي وشوفي وش قلت .........ذكرت سلومة وسامر وبعد انتي وبعد نوسة ههههههههههههه انا كنت رد على موضوعك قلت صاحبة الموضوع على بالي مفهمتيش معليهش حقك على راسي تساليني ولا بسيف تولي قريبة ليا ههههههه نبيلة راكي عارفة معزتك وش تسوى عندي بدون مجاملة احم احم

سرسوووووووووووووووووورتي
مساء النور
واش راااااااااااااااااكي عاش من شافاك يا الزينة يا المهبولة
ولاو كامل صحاااااااااااااااااباتك انا راني غررررررررررررررررررت
مي ما زعفتش منك وعمري ولا فكرت نزعف منك
انا علابالي انو ماكيش قاصدة انو تنساااااااااااااااايني

مساااااااااااااء الورد مناااااااااار انا زينة وانتي بنينة انا مهبولة وانتي واش...... منكملش راني نبعثهالك في الامسان غير ازعفي منار باه نمدلك حاجة هايلة تنحي بيها الزعاف ننساك مستحيل ومعزتك غالية عندي بزاف انتي تعرفي منار هههههههه من قل صحباتي منبانش برك بزاف مختفية هذي الجماعة اكل ملي بديت المنتدى تعرفت عليهم صارو اكثر من عائلتي وراكي صحيتي منار ههههههه

يااااااو سارة ونبيلة نحن هنا
هههههههههههه راكي تحكي بالالغاز سرسورة خفتي ولا
انا جيت تسالك
01- موقف كلما تتدكره سارة تضحك من قلبها ماهو ؟
02- مادا اضافت عندكي صداقة النت ؟
03- ماهي الصفات التي تحبها سارة فالرجل ؟
وانا تاني سرسورة عزيزة علي
ايا جاوبي Mad

ههههههههههههههه مشفتكش نوسة انا هدرتي اغلبيتها الغاز وزيد على نبيلة ههههههههههه اكيد نخاف بزاف نوسة وانتي تعرفي كي نخاف منرقدش في الليل


01- موقف كلما تتدكره سارة تضحك من قلبها ماهو ؟
انا عندي مواقف بزاف خاصتا في النت وخصوصا مع نبيلة ههههههههه والمقالب مرة قلتيلنى انا ونبيلة متدخلوش لنت باسكو كنى نديرو في لكنطرول ماشي هذي المرة تعودي تقولي راهم دخلو المرة لي فاتت ودرنى مقلب رقيةوقلقناها وقتلنى منهدرش معاكم ذرك نعيطلكم نوسة تتفاهم معاكم وانتي كنتي غايبة ثاني ورقية عيطتلك وفضحت كلش هههههههههههه وزعفتي منى
ومقلب درناه سلومة مننساهش ثاني قتلني بضحك مزلت نتفكرو وانتي في رايك نوسة تتلاقى سارة ونبيلة وش يصرى هههههههه فردة ولقات اختها
02- مادا اضافت عندكي صداقة النت ؟
لم اعد اعرف ماذا اقول فالكلام كاد ينفذ منى ولم استطع التعبير عما اشعر به اهم شيئ هيا اضافت لي اصدقـــــــــــــاء لنغدر نقول عليهم انهم صارو من عائلتي ويعرفو على سارة اي حاجة ويشاركو سارة سواء فرح او ......
03- ماهي الصفات التي تحبها سارة فالرجل ؟

هههههههههههه وشمن راجل تسمعنى نبيلة تنتحر
ان يكون رجلا صادقا يحترم المرأة ويعرف ان الحياة الزوجية هي مشاركة وحنوناحق طبيعي
ألا يفرض رأيه على المرأة لكان على مين يفرض رأيو على أبوه
ان يتخلص من القيود والعادات البالية كلام جميل
وأهم صفة أن يخاف الله ويكون مؤمنا شيءضروري


شكرااااااااااا نوووووسة انشاء الله تكون اجوبتي في المستوى

ههههههههههههههه يا عمري يا سرسورة وانتي تاني صحبتي ونمتنى اذا انتي مهبولة انا واش؟؟؟؟؟؟؟؟
قوليها علني امام الجمهور الغفير
ولا نرفدلك الراية الحمراء تاع الخطر
نمووووووووووووووت عليك وعندي سؤال ليك
قداش حبيتي في حياتك وعامر بالنسبة ليك وشنو؟؟؟؟؟؟؟


هههه اوكي منار نقولها على العام انا مهبولة وانتي سوفاجة ههههه
قداش حبيت مرة ؟ حبيت مـــرة فقط
عامر بنسبة ليا ههههههههههههه انا نقلو سامر كي تقولولي عامر منحبش ههههههه والله قد منقول واش هوا بنسبة ليا هو اخ اخت ام صديق ومنغدرش نستغنى عليه ولو ثانية ونشكرك بزاف منار على الموضوع لانو فيه ناس حاطين انو سامر وسارة يحبو بعض حب غرام صح نحبو بعض بصح حب اخوة اصدقاء الناس كاين لي متفهمناش كي يلقاونى متفاهمين مع بعض ونحكو على اتفه لحوايج اي حاجة تقيسني تقيسو اوالحاجة لي تبكيني تبكيه ولي تفرحني تفرحو واي مشكل نكونو مع بعض سواء في النت او في الموبايل ونكونو مشاركين على كلمة وحدة وربي يخليه ليا
وربي يحفظو ويحفظك انتي ثاني يا زين

اهلا وسهلا بكـــ
ســـــــــــــــــــــــــــــاره

لمن تهدى هذة العبارات فى المنتدى ؟؟؟
[size=24]هذه مجموعة من العبارات..إلى من تهديها من أعضاء او مشرفين منتدانا ..؟!!
1- الله يخليك لنا :
2- بصراحــة فقدنـاك :
3 - أنـــت فنـان :
4 - أتـابع كل مواضيعـك وردودك :
5 - آسف كـان زعلتـك بدون علـم مني :
6 - تفاجئني دائما :
7- قليــل من كـان في طيبتـك وهدوئك :
8 - أحبـك في الله :
9 - يفتخـر المنتدى بأمثـالك :
10 - خفـة دمـك غير طبيعيـة :
11 - دمت لنا مبدعاً :
12 - أيها الحاضر الغائب :
13 - تمتلك الكثير .... فأرنا بعضا منه :
14 - معرفتك تزيدني فخرا :
[/size</STRONG>]

سرسوووره راكي منوره الكرسي




اهلين الاخت الغالية نــــــــــــــــادية منورة اكيد بوجودكم وتفاعلكم معي

- الله يخليك لنا :سامر.سلومة . نوسة .نبيلة .رقية...
2- بصراحــة فقدنـاك : خلود
3 - أنـــت فنـان : ....
4 - أتـابع كل مواضيعـك وردودك : فريدة
5 - آسف كـان زعلتـك بدون علـم مني : لا يوجد
6 - تفاجئني دائما : نوسة
7- قليــل من كـان في طيبتـك وهدوئك : رقية
8 - أحبـك في الله : سامر
9 - يفتخـر المنتدى بأمثـالك : نوسة
10 - خفـة دمـك غير طبيعيـة : نبيلة
11 - دمت لنا مبدعاً : ما فيهش
12 - أيها الحاضر الغائب : لا يوجد
13 - تمتلك الكثير .... فأرنا بعضا منه :لا يوجد
14 - معرفتك تزيدني فخرا :سامر سلومة نبيلة نوسة رقية... اسفة لي مذكرتهمش يعنيي من الفروض نذكر اسم واحد بصح نفتخر بناس بزاف

شكرا يا غالية وانشاء الله نكون في المستوى

ياعمري على سرسورة منورة
وشكرا على وصفك
ربي يوفقكم انتي ونبولتي وتنجحو


انشاااااااااء الله نوسة العفو هذا اقل حاجة ذكرتها فيك تستاهلي اكثر وادعيلنى برك عمري

عايدة دخللي حطي اسئلة مش غير تلعبي

وان شاء تنجحو سارة ونبولتي

ونحطلك اسئلة

01- هل تؤمن سارة بحب النت ؟

02- ماهي ايجابيات سارة وماهي سلبياتها ؟

03- كلمة تقوليها لانسان غالي عندك مع دكر الشخص ؟


ههههههههههه شفتي نوسة منار هذي هيا فوضة برك علاش سميتها سوفاجة عندي حق وانشاء ننجحو ادعيلنى برك

01- هل تؤمن سارة بحب النت ؟

بصراحة أنا ما أقتنع إن في حب حقيقي عن طريق النت لكن ممكن تكون صداقات عن طريق النت
يمكن يكون في حب حقيقي عن طريق النت لكن يكون قليل مرة لما يوجد علاقة صادقة أو حب حقيقي بين شخصين


02- ماهي ايجابيات سارة وماهي سلبياتها ؟

ايجابية.... طيبة حنونة
سلبية..... عصبية بزاف بزاف بصح قلبي حنين ثم ثم نرجع ههههه

03- كلمة تقوليها لانسان غالي عندك مع دكر الشخص؟
والديا الله لا يحرمني منكم

شكراااا نوسة وانشاء الله تكون اجوبتي مقتعة دمتي