حبيت اكتب كلمات بسيطة لبعض الناس الي اعلنوا انهم ما بعد يصوتون .. امل الاسبوع الماضي طلعت نوميني والناس راهنت انه ضياء راح ترجع بالتصويت .. بس الجزائر عرفت كيف تستكت الكل وتوقفهم عند حدهم ورجعت امل بعد حملة قوية عرفت كل العالم منو هي الجزائر .. احب اقول شي بسيط الاسبوع الماضي رجعتوا امولة وبرأيي أمل ردت الجميل لبلدها ولمحبيها لما اعتزت بتراثها وقدمت اغنية من التراث الجزائري علما انه ولا طالب غنى غناء شعبي الكل اختاروا اغاني مش شعبية .. الي غنى اغنية وطنية والي غنى اشياء ما صارلها 10 سنين .. وامل حبت تمثلكم وبكل صدق كانت فرحانه بالايفال لانها راح تحكي عن شي يخصها ويجري في دمها .. وفاء امل لبلدها يستحق التصويت .. وارجع اقول لما سمعتوا هالاغنية ما فرحتوا ؟؟ ما حسيتوا انه بنت الجزائر شايلة بلدها بدمها ؟؟ كثير ناس يعتبرون هالبرامج كلام وبس .. اني احب اقول انه البلد يذكر بالفن وبمشاركاته في عالم الاعلام .. وامل هي صورة الجزائر المنورة .. والله كثير ناس حبت الجزائر من حكي امل وخلاق امل .. كل صوت صوتوا رجع بكلمة انا اصلي شاوي .. وكل فلس رجع لما قالت بلادي هي الجزائر .. واخر شي اقول انه لما ريم غزالي كانت مشاركة وطلعت لاكثر من مرة رجعتوها وما همكم شي .. وامل ما الها غير بلدها ومحبيها لان كلنا نعرف انه الطلاب ما راح يرجعون امل .. واخيرا كل شخص راح يسوي الشي الي مقتنع في واتمنى يكون الي فقلبكم انه ترجعون امولة .. اني عراقية وافتخر باني احب امل وراح اصوتلها واني وياها من كل قلبي والله يكون معانا ضد كل ظلم .. لان امل طيبة القلب وتستاهل الاستمرار .. وشكرا لكل عضو ولكل شخص يصوت ولو صوت لامولة ..
