السلام عليكم و رحمة الله و بركاتهقبل كل شيء ما أبغى ردودكم يكون فيها سب أو شتم... أبغى ردود عاقلة و منطقية و بعيدة عن التحيز و التعصب...
شفت اليوم موقف من جد ما له داعي حصل بين خالد و عدنان في حصة الرياضة. ما أدري فيه أحد منكم شافه أو لا...
كانوا الشباب يرفعون الأثقال، فجأة صار فيه خلاف بين عدنان و خالد، عدنان معصب مدري على إيش و قاعد يقول لخالد "يا يهودي يا كافر" و كان رح يرفسه. قالها و سواها مرتين ورا بعض.
إيش رأيكم في الموقف اللي صار؟ و مثل ما قلت بعيد عن السب و الشتم... و بعيد عن العداوة بين البلدين....
أنا من أمس ملاحظة على عدنان عصبيته و اصطدامه مع خالد... ما أدري إيش أساس المشاعر السلبية هذي.. بس بغض النظر، هل فيه مبرر في الدنيا كلها إن عدنان يقول اللي قاله؟؟؟؟ طبعاً الجواب معروف... عدنان ما عنده طولة بال و لا حتى عقل يفكر فيه...
على العموم أترك لكم التعليق.. و اللي عنده الفيديو يحطه عشان اللي ما شافه يشوفه و يعطينا رايه... و أعتذر عن الموضوع الحساس... أتمنى ما أحد يزعل منى... أنا ما أقصد أبداً الفتنة... بس مجرد إني ودي أفهم إيش قاعد يصير؟