مشروعي التخرج منقول من احدى المواقع
^
^
وهو بعنوان
The Effect of Display & Referential Questions
On The EFL Classrooms Interaction
بمعنى أثر الأسئلة الواضحة والمرجعية على تفاعل الطلاب داخل حصص تعلم اللغة الأجنبية
* عبري بنفسك او اشتري كتب وجيبي مراجع ودوري فيها بنفسك
* اختاري موضوع تحبينه ﻻتورطين نفسك في موضوع صعب ماتقدرين له
* اجمعي في موضوعك بين بساطة اﻻفكار واهمية الموضوع
يعني ﻻتجيبين موضوع مكرر قد كرهوه الدكتورات من كثرما كتبوا عنه البنات وكمان ﻻتفكرين في شي مميز ونادر بقوه لدرجة انه يصعب عليك تلقين مراجع وكمان يصعب عليك انك تكتبين فيه بنفسك ويمكن ﻻقدر الله تتفاجأين نهاية السنه انها ترفضه وتقول خارج عن ال skillsالاربعه او عن مواد اﻻنقلشيعني خليك وسط جدا..* واهم شي ابدأي بدري ﻻتسوين سواتي يعني مو بدري بدري قبل ماتعرفين وش خطوات البحث بس حاولي تحطين في بالك ان موعد التسليم بيجيك بسرعه وﻻتتهاونين فيهصح انا بدأت متاخر وضغطت نفسي لين بغيت انفجر بس الحمد لله عدى على خير يعني حتى لوما امداك عشان اختبارات ومواد ثانيه وبدأتي بنفس وقتي قبل التسليم باسبوعين والله ان يمديك* اي كلمه تكتبينها او اي حرف تكتبينه ﻻزم تورينها وتخلينها تطلع عليه ﻻنك لو راكمتي كل اقسام البحث وكل الشباتر الى نهاية الترم راح تتفاجا في بحثك انها اول مره تسمع عنه وتتوقع انك كتبتيه عند مدرسه خصوصيه او استعنتي باحد وعلى طول تحطك في بالها وتخسف بدرجتكلكن لو من البدايه كنتي معها دائما حتى المواضيع اللي تحتارين فيها روحي لها واساليها وش احسن موضوع اختاره لبحثي وهي بتساعدك* وابداي من المقدمه اكتبي فيها كل شي عن بحثك وروحي وريها وخليها تراجعه معكولما يجي الشابتر اللي بعده اكتبي عنه وروحي وريها وخليها تناقشه معك وتصحح اخطائكعلى كذا ومع الوقت راح تحفظ موضوعك وتحطك في بالها انك مجتهده ومثابره وتعطيك الدرجه اللي تتمنينها وتستحقينها
* اكيد بداية الترم بتلاحظين ان البنات من حواليك بدأوا يختارون مواضيع لبحوثهم وبداوا في الخطوه اللي بعدها ال out line وانتي لسى مالقيتي موضوع لبحثكاو لسى محتاره بين عدة مواضيع ..أنا اقولك (ﻻتقلقييييييين ابدا) احنا مر علينا شهر باقي مترددين في الموضوع وماقررنا ومابدأنا في الجد الا بعد شهر يعني خليك ريلاكس جدا وﻻتوترين نفسك* اهم حركه واللي كنت اسويها في بحثي والحمد لله والله لوﻻ الله ثم الحركه هذي كان ماخلصت بدري وسلمت موضوعي بدري(اكتبي عالكمبيوتر اول بأول)* ابدأي اجمعي افكارك في نوته عادي اكتبي اي كلام يجي في بالك عن موضوع البحث سوا له علاقه او ماله علاقه بعدين ابدأي افرزيه هذا يصلح للمقدمه وهذا يصلح للملخص وهذا يصلح للشابتر اللي بعده وهذا باحذفه بالمره مايناسب موضوعيومن وقتها ابدأي اكتبيه عالكمبيوتر ﻻتتركينه لحدما تخلصين البحث كله بعدين تبدأين تكتبين ﻻ صدقيني بتتكاسلين وبتطفشين ﻻن كتابة الكمبيوتر ممممله مررررره وكل شويه يخرب معاك خط واﻻ لون واﻻ حجم واﻻ سطر ومدري ايشويمكن ماتخلصين مسوده البحث كامله اللي هي بخط يدك اﻻ قبل التسليم بيوم او يومين وبكذا مايكون عندك وقت للكتابه عالكمبيوتر فاحسن لك اكتبي عالكمبيوتر اول باول* وكمان خلي عندك دائما فلاش ميموري أو سي دي تحفظين عليه كل عمل جديد كتبتيه من بحثك عشان ﻻقدر الله خرب جهازك اللي تكتبين عليه مايروح جهدك سدى ويكون عندك احتياط انا كنت اكتب على ﻻبتوبي وعلى طول انقلها بفلاش على كمبيوتر مكتبي عشان اضمن انه مخزن بجهازين* ﻻتسوون وتضيفون شي ماتبغاه واﻻ شي ماطلبتهيعني الصور والوان الخط والحجم ومواضيع مالها داعي وماطلبتها منكم ﻻااااااا تتفلسفون فلسفتي وتسوونها ﻻنها بتجبرك تحذفينها ووقتها بتنقهرين على تعبك اللي راح وتنسيقكخليك اسود ساده وبسسسسالخط 12 المسافه بين السطور مزدوجلون الخط اسود المواضيع الرئيسيه بلود بلاك اسود عريضوحجمها 14 او 16بدون اي صوووووور او اطار عالصفحات >> وترى هذا يعتمد عالدكتوره اللي تدرسك يعني اسأليها افضل يمكن تكون مغيره بشي او مضيفه شي ..واساسا راح تعطيك الدكتوره guidelines (خطوات للبحث تمشين عليها) وتقسيمات الشباتر وكل شابتر وش المفروض يحتوي عليه ووش المطلوب منك تكتبينه فيه* على نهاية الترم راح يكون عندك موعدين للتسليم اﻻول تسليم مسودة البحث (وتكون مكتوبة بالكمبيوتر) وعادي لو كان فيها اخطاء ماصححتيها ﻻنها ماراح تحاسبك عليهاوبعدها بعشرين يوم اوشهر بيكون الموعد الثاني موعد تسليم البحث اﻻساسي بعد التعديل والتصحيح وكل شي وهذاك الوقت تناديك وتناقشه معك مناقشه بسيطه
يعني مثلا تقول فيه سؤال من اسئلة اﻻستبيان وتقرا لك السؤال كم كانت نسبة المؤيدين ونسبة الرافضين؟؟
او تقول كم عدد اسئلة استبيانك؟
او تكلمي عن توجيهاتك في بحثك بصفة مختصره؟
او اذكري لي واحد من مراجعك ومن مؤلفه؟
يعني اشياء بسيطه زي كذا واذا كنتي انتي اللي سويتي بحثك بنفسك راح تجاوبين وانتي متطمنه ومرتاحه
وبعدها تطلب منك ملف لكل الواجبات االي كنتي تحلينها طوال الترم
ومسودة البحث (اللي سلمتيها لها في موعد التسليم اﻻول عادي اعطيها حتى لوفيها اخطاء)
ونسختين من بحثك بعد التصحيح والتعديل ويكون مغلف ببلاستيك شفاف
وﻻتنسين تضيفين في نهاية كل نسخه من بحثك اربع نسخ من استبايناتك اللي وزعتيها على الطالبات وﻻزم تكون محلوله يعني مو استبيانات فاضيه
وبس ..
ممكن مواضيع او مواقع لمذكرات سنة رابعة تخرج باللغة الانجليزية.......من فظلكم الخميس 16 سبتمبر 2010 - 20:10