هذا الإقتراح اقدمه إلى الإدارة .. وصراحة اني راح اقدمه لسبب بسيط .. اني من محبين شذى حسون .. ولما كانت شذى تزور المنتدى كانت تضيع بين المواضيع .. وصراحة مو كل الأعضاء ياخذون حقهم بقراءة الي يحبون يكتبوا .. اليوم قريت انه امولة حبيبة قلبي راح تزور المنتدى قريبا .. اقترح على الإدارة أن تنزل موضوع وتثبته .. وهذا الموضوع تتفق مع امولة انه يكون اول موضوع تقراه .. المهم هذا الموضوع راح يدخل كل عضو ويعرف عن نفسه وبلده ويكتب الكلمات الي يحب يوصلها لامولة باسلوبه .. وبهذي الحالة امل راح تقدر تتعرف على اكبر عدد من الأعضاء .. وبقية المواضيع هي تقراها براحتها .. بس هذا الموضوع الي يشتركون بي الاعضاء راح يكون مثل بطاقة محبة ساهم فيها كل الأعضاء .. وأكيد راح يضل موضوع يجمعنا ويكون له ذكرى معنا .. وكل الاعضاء راح يعرفون انه اول موضوع قرأته امولة كان موضوع شاركوا الكل بتكوينه .. اتمنى تسوون هالفكرة واني معتمدة على الإدارة وأتمنى ينزل هالموضوع قريباً .. وأكيد راح ينور المنتدى بزيارة امولة .. وأني واثقة انه محبين امل اكثر بكثير من عدد الأعضاء .. إلا انه اعضاء هالمنتدى هم عائلة كبيرة تجمعت على محبة امولة .. وصار المنتدى بيت ثاني نلتقي بي ونتعرف على محبين امل من كل الدول .. ونفخر بأن احنا من جمهور امل ... امل البنت الجزائرية الي صارت ما تمثل الجزائر فقط بل صارت تمثل البنت العربية .. وبالنسبة الي هي الافضل وهي صاحبة اللقب ولو ما حملته .. تحياتي لإدارة المنتدى واتمنى تاخذون هالرأي البسيط ..
