[ندعوك للتسجيل في المنتدى أو التعريف بنفسك لمعاينة هذه الصورة]
طبعا أنا عروس معاكم و حبيت أنزل هالموضوع من مجهودي الخاص و كل شي أعرفه
لعيوووووونكم و إن شاء الله بيكون كامل متكامل لكل شي يخص العروسه عشان
تكون جاهزه من جميـــــــــــع النواحي لعش الزوجيه و تكون أحلا عروسه ،،
[ندعوك للتسجيل في المنتدى أو التعريف بنفسك لمعاينة هذه الصورة]
في البدايه ،،
العروس لما تستلم مهرها لازم تقسمه لأجزاء ،، جزء للذهب ،، و جزء للنفنوف
الأبيض مع المسكه و الصالون و الاكسسوار ،، جزء للملابس و الاكسسوارات ،، و
جزء للمكياج و العطور ،،،
(( و لازم تحسبين حسابج إذا تبين ليزر ))
*****
سؤال يدور في بال كل عروسه :
&& ..................... متى أبدى
بالتجهيز ؟؟؟
الجواب :
&& ..................... أول ما تستلمين
المهر ،،
*****
إذا عرسج قريب ابدي أول شي بالفستااااان الأبيض و الذهب و الشبكه ،،،
و إذا عرسج بعيد ،، ابدي بالتناتيف مثل البجايم و اللانجري و الاكسسوارات و
غيرها .. عالأقل تخلصين جزء مهم جدا و ترتاحين منه
و طبعا بدوووون لعب لازم تحسبين حسابج عدل !!!
*****
شنو أول شي تبلش فيه العروسه ؟؟؟؟؟
العروسه من أول ما تملج و قبل لا تستلم المهر و قبل لا يتحدد عرسها لازم
تبدا الاهتمام بنفسها من ناحية
( البشره \ الشعر
\ الوزن \ الجسم
\ الأسنان \ الليزر
إذا فبالج تسوين ....)
فلااااازم نبدا نتحرك و ما ننطر قبل العرس بشهر ولا أسبوعين !!!
[ندعوك للتسجيل في المنتدى أو التعريف بنفسك لمعاينة هذه الصورة]
طبعا شنو راح تحتاجين يا عرووووسه ؟؟؟
نبتدي بأهم شي
أولا :
الـــبــــشــــــره
[ندعوك للتسجيل في المنتدى أو التعريف بنفسك لمعاينة هذه الصورة]
(( الحبوب ))
إذا كان فيج حبوب عالجيهم بأسرع وقت حاولي بكل العلاجات و شوفي أكثر من
دكتور
و أنا جربت الروكتان الحمدلله خلصت الكورس قبل لا أملج و افتكيت
و كتبت عنه موضوع كامل و شامل و هذا الرابط للي بتاخذ فكره و تعرف شنو
هالعلاج :
الروأكتين لعلاج حب الشباب - مرجع شامل متكامل - هام لكل
عروسه و فتاة و من تعاني - حياج
(( السلوليت و السترج ماركس البيضا و الحمرا
))
الكثير يعاني منها بسبب التغيرات في الوزن ،، و لو تدشين قسم الحياة
الزوجيه بتلقين شكثر استفسارات عنها ،، و المتزوجات يقولون الرجال ما ينتبه
،،
لكن هذا مو عذر و ما يمنع إن نسنع نفسنا و عشان نسد عينه و ما يتكلم
ههههههههههههههههه
طبعا في بقسم العنايه بالبشره خلطة ماي ورد للسترج مارك و موضوع لعضوه
جربتها و كانت نتائجها رووووعه أنا شفتها ما شاء الله اختفت الخطوط نهائيا
،،
و هذا رابط لخلطة ماي ورد
تبين تمحين الخطوووط البيضـا والحمرا وتشدين الترهلات؟؟
دشي لاتطوفج هالخلطة بالصوررررر
و هذا رابط تجربة العضوه بالتفصيل
مع خلطة ماي ورد وجهاز المساج السحري وبـ 3 جلسات قلت حق
الخطوط البيضا بيباااااي للأبد
(( البشره الجافه \ الدهنيه \ المختلطه ))
لاااااازم تعرفين تتعاملين مع بشرتج عشان ترتاحين بعش الزوجيه و تسيطرين
عليها عدل و ما تواجهين مشاكل مع بشرتج بإذن الله
هم شهادتي مجرووووحه بأحلا كويتيات
في قسم العنايه في البشره تجمعات رائعه للبشره
(( نعووووووووووومة و توحيد لون الجسم ))
طبعا غير و قبل برنامج العروس
تبدين بالبيت
اللي تقدرين تسوينه بالبيت إنج عالأقل مره أو مرتين في الأسبوع تنقعين جسمج
بزريت اللوز المر لمدة ساعة إلى ساعتين و تتسبحين عقبها
+
تستعملين خلطه صابونيه تسوينها بنفسج أو تشترينها من عضواتنا العزيزات
للأمانه جربت خلطة ماي ورد تجنن ،، و إختي جربت خلطة مزيونه و شقره
هالخلطات رووووووووعه بمعنى الكلمه تنظف بشكل مو طبيعي و تفتح مع الاستعمال
اليومي أو عالأقل 4 مرات بالأسبوع
+
خلطة الجولسليد للجسم حتى للمنطقه الحساسه
* مكوناتها *
كريم جولسليد - زيت اللوز المر مع الكركم - زيت الجلسرين - ليمون أو زيت
الليمون ،، للأمانه استخدمت زيت الليمون
هالخلطه تعطيج نعووووووووووومه خيااااااااال
تخليج حريــــــــــــر
+
سنفره
من النوع اللي تحبينه
+
ملح الحليب
بهالطريقه مع الاستعمال بتصيرين زبده و حتى الشعر اللي تحت الجلد بيروح
طبعا مو كل البشرات في بشرات تحتاج ليزر أفضل
(( الركب و الأكواع و لون المفاصل ))
الحمامات المغربية و السنفرات و ملح الحليب و الخلطات أو الكريمات الموثوقه
تبدين فيها على طول
و حاولي تعودين نفسج ما تتراكين عالأكواع عشان تخف و رطبيها على طول
(( لون المنطقه الحساسه و بين الفخذين ))
امنعي الاحتكاك عن طريق لبس شورت و لازم ملابسج الداخليه تكون قطنيه 100%
+
ابتعدي عن نزع الشعر بالموس و تعودي عالشيره أو الليزر براحتج بس أهم شي
ابتعدي عن الموس ههههههه
+
الترطيب
خلطة الجولسليد اللي كتبتها رووووووووعه ترطب و تفتح مع الاستمرار
+
خلطه صابونيه
+
استخدام كريمات أو خلطات موثوقه
ديروا بالكم هالمنطقه حساسه مو أي شي تجربونه و تزيدون الطين بله
+
غسول للأماكن الحساسه
(( آثار الحبوب أو الجروح ))
السنفره اللي متعوده عليها
+
خلطه طبيه أو كريم موثوق
** أتعب و أنا أقول موثووووق ،، عاد الوجه
ديري بالج عليه حرام تخربينه بتتعبين بعدين **
و في خلطة وصفتها لي الدكتورة نورة الصليلي للآثار و تفتيح البشره
و طبعا على كلامها هالخلطه تنفع لجميع مناطق الجسم و آمنه عالبشره إن شاء
الله
و أعتقد هالخلطه مشهووووره
( خلطة الرتن أي )
كريم رتن أي ( مقشر ) + إلدكوين ( مبيض ) + بيرديرم
استخدمتها للإيدين لمدة أسبوع فتحت إيدي ،، و بعدين لهيت و تركتها
و الحين برد أستخدمها إن شاء الله
(( نضارة البشرة ))
عن طريق العنايه و السنفره و الزيوت الطبيعيه و التفتيح إذا تحتاج و
الماسكات
و من أكثر الماسكات اللي أحبها
ماسكات الروب :
روب مع طحينه اللي اهي هرده مع عسل مع حليب مع ماي ورد المهم فيها روب تمشي
ههههههه
(( الليزر ))
شوفي نفسج من البدايه إذا تحتاجين أو تبين ليزر ولا لأ ؟؟؟
و ابدي جلسات على طول
خليج حار بحار هههههههه
و نصيحه مني بنات ...
لااااااا تيأسوووون و خليكم على طول متابعين قسم
العنايه بالبشره و الجسم
*****
ثانيا :
الشــــــعـــر
[ندعوك للتسجيل في المنتدى أو التعريف بنفسك لمعاينة هذه الصورة]
ابدي بالزيوت عشان تريحين الشعر إذا كان متقصف و ناشف
+
إذا شعرج خشن جربي الريلاكس أو الكيراتين
** أرشح صالون لافينوس للتمليس روووووووووووعه **
+
إذا فبالج قصه أو صبغه جربيها مبجر ولا تصبغين مية صبغه و تقطعين شعرج
*****
ثالثا :
الأســـــنـــان
[ندعوك للتسجيل في المنتدى أو التعريف بنفسك لمعاينة هذه الصورة]
(( إذا تبين تبيض \ حشوات \ و أي شي يتعلق بالأسنان ))
*****
رابعا :
الــوزن و الجــــســم
[ندعوك للتسجيل في المنتدى أو التعريف بنفسك لمعاينة هذه الصورة]
(( تشوفين جسمج إذا مرتاحه فيه أو محتاجه تمتنين أو تضعفين ))