تجاهلي ما تحتويه الرسايل
دام الشعور الصادقه ترفضيها

جتك الحروف امثبته با الدلايل
وانتي بجبروت الكبرتجهضيها
المسأله ماهي قضية تحايل
ولا خديعه واطلبك ترتضيها
انا معك واضح وللود سايل
قبل العهود المبرمه تنقضيها
مير اتضح لي منك بعض المسايل
اللي تبي غصب(ن) علي تفرضيها
ما كنت في بعض المواقيف قايل
اخشى الجروح الخافيه توقضيها
عفنا وشمنا عن بيوت الرذايل
والطيبه باغلى السعر نقتضيها
مابه مجالن للكرم والجمايل
دام المعزه ما تبي تحفضيها
يصعب على العاشق يجي بالبدايل
والقلب يسكن فيه منهو رضيها