ادخل تشوف الشعب الجزائري

حبيت نطرح عليكم اليوم موضوع
على كلمة لوكان
وعلاقتها الحميمية
بالشعب الجزايري
( ماتخافوش مانيش
راح نقدملكم درس نحوي
علابالي تكرهو الاعراب)

ملي عرفت صلاحي
وانا نسمع في الكلمات هادو
لوكان درت و لوكان عملت

ياقريب درتها
بصح مادرتهاش

جامي فات نهار وماسمعتهاش




-مايديش الباك يقولك لوكان
غير جاني هادا الدرس برك راني نجحت


-ماتتزوج باللي حبتو
تقولك لوكان جا عندي
الزهر راني تزوجت بيه .





-لوكان تربح دزاير المروك
ولوكان تخسر افريقيا الوسطى
تروح دزاير وتولي الاولى
ياولدي هاي لوافيلا واعرة

خمم مليح يا ولدي



علاه تحلم
-لوكان جينا فاهمين ديننا
رانا مطبقينو على صحيحة
(بصح علاه ماراناش فاهمينو)

-كون مافاتش على الطريق
هاديك ماكانتش تضربو اللوطو (الطوموبيل)



(ومكتوب ربي وين راح؟)
لوكان و يكون
كلمة مشتركة وطنيا
متفق عليها ديزايريا
لاخلاف عليها

تستعمل في جميع الظروف
والمناسبات
السpور،،الزواج،النجاح...
وحتى انه قيل:

لوكان نيوتن جزائريا
لأكل التفاحة وهنانا
من تكسار الراس

في ميزكم علاه رانا نهدرو بيها بزاف؟
وديما كي منقدروش نديرو حاجة
ولاتصرالنا حاجة مقدرة من عند ربي
نعيطو ديراكت لوكان
بصحلوكان خيرمن ماكانش
وكاشما عندكم حكايات على الحاجة
لوكان غير الحقولنا بيهم


اسمحولي روحت بعيد
مي لوكان دوختني

و الله عندك الحق
و كيما قلتي مكتوب ربي ما تعوضوش لوكان
يعطيك الصحة على الموضوع القيم
تحياتي لكي عزيزتي

[b] والله  في راي  لقول هكدا غير الانسان الفاشل لان 

الناجح يقول: يمكن ان يكون هناك طريقه أفضل لعمل هذا الشيء
الفاشل يقول: " أنا دائما أقوم بهذا الشيء بهذه الطريقة


الناحج هو جزء من الحل
الفاشل هو جزء من المشكلة

مرسي أماني موضوع رائع