الي يجاوب يجاوب وهو مقتنع ومتاكد مش كلام برك

بسم الله الرحمان الرحيم
حبيت ليوم نسالكم سؤال او اسئلة
كثير من مواضيع حطناها وكثير من ردود بصراحة ماكانتش تقنعني نحس الردود مجرد مجاملة الاحساس مكانش
سؤال على الحب
كل واحد يعرفهولي بالنسبة ليه اذا جربتو تعرفو تجاوبو مليح
2 هل من الممكن تفرط في الي تحب ؟
الى اي مدى ممكن ياثر على حياتك الحب ؟
ماهو احساسك لما يقولك الطرف الثاني اني نسيتك واني مانحبكش ؟
كون انك لما يمرض الطرف الثاني وتحس بيه او يصرالو شيء تحس في رايك موجودة ؟ اذا موجودة هي دل على الحب الصادق الحقيقي
اسمحولي على الازعاج
وتفكرو راني نعرف الرد اذا كان صادق ولالا فكل واحد يجاوب بصراحة
وكي نرجع نصحح الامتحان الي عطيتكم
سلام

سؤال على الحب
كل واحد يعرفهولي بالنسبة ليه اذا جربتو تعرفو تجاوبو مليح
* الحب هو شعور الفرد بمحبة الناس الأخرين ليه وأنه هو بحاجة لهؤولاء الناس وبصورة أدق الحب تضحية عطاء أخذ وراحة ودون أن ننسى عذاب وبالأخير الحب مسؤولية عن ثقة ممنوحة لك من طرف شخص أخر
2 هل من الممكن تفرط في الي تحب ؟
* من المستحيل أني نفرط في شخص نحبو لكن بالمقابل لازم يكون يستاهل كلمة نحبك في عالمنا هذا معدودين بزاف الأشخاص اللي يستهلو تحبهم وما تفرطش فيهم لكن إذا حبيت فرد أو شخص مستحيل نفرط فيه مهما كان
الى اي مدى ممكن ياثر على حياتك الحب ؟
*إلى درجة جنونية بسبب الحب اهملت حاجات هامة في حياتي لو لا أنو ربي لطف ولحقت حالي لكن ما ندمتش أبدا على هذه التضحية لأنو العبد اللي ضحيت علا جالو يستاهل بالرغم من انو افترقنا واستحالة نرجعو كيفكيف
ماهو احساسك لما يقولك الطرف الثاني اني نسيتك واني مانحبكش ؟
* بصراحة جاتني صدمة مماثلة لكن مش بهذه الصورة يعني ما قالتلي ما نحبكش لكن أنا اللي بعدت وفي لحظة حسيت حالي ظلمتها معايا لأنها بقات متمسكة بيا عدة شهور لكن غلطتها استحالة نغفرهالها والحمد الله على كل شي والمثل يقول رب مصيبة نافعة
كون انك لما يمرض الطرف الثاني وتحس بيه او يصرالو شيء تحس في رايك موجودة ؟ اذا موجودة هي دل على الحب الصادق الحقيقي
* ما تحسش بلي صراتلو حاجة لكن تحس بلي هاد الشخص راه غايب وغيابو بطبيعة الحال يدل على وجود شي غريب فالموضوع أنا مثلا كنت نحكي صديقتي سابقا يوميا عالفون أكتر من ساعتين هادا إذا سبق وشفتها فالنهار أما إذا ما تلاقينا طول اليوم فون يعني إذا لا شفتا ولا حكيتا باليوم أكيد في شي غريب وما بقعد هادئ حتى اطمن
ميرسي على الموضوع يريح القلب والله
سلام

شكرا على اجابتكم الصريحة
درك راح نقط
النقطة على 20
نبدا بنجم
الاول على 2 ديت 1
الثاني على 5 العلامة كاملة
الثالث 5 نعطيك 0
الرابع على 5 وديت 3.5
الخامس على 3 وديت 2.5
يعني يا نجم حصلت على 12
وراني ساعدتك من حق تدي اقل لانك مرة تقول مستحيل نفرط في الي نحب مهما كان منا تقول مستحيل نرجعو كيف كيف
جبت المعدل
شكرا خويا على مرورك الكريم نتمنالك السعادة

شكرا حويتة على مرورك
حويتة راني نصحح في ورقتك هنا مكانش معرفة راني نحط حتى الصفر
تاني حاجة اجوبتك نظرية يعني ماجربتيش هي راحت 5 نقاط بعد هههههههههههههههه
هو مش شرط صح بصح كي تجرب تجاوب وانت متاكد من روحك واش قاعد تقول قبل نكونو غير وكي نبو نوليو غير
الاول نسيتي سؤال كامل يا شفتي التسرع راحت 2
الثاني عندك حق في هاد الحالات خاصة لما الطرف الثاني مايحبكش 5 على خمسة
الثالث 5
وزدتي نسيتي سؤال
الخامس نعطيك عليه 3
النقطة 13 واصلي على هذا المنوال
شكرا حويتة على مرورك

شكرا سمرا
ورقتك راح نركز وانا نصحح فيها
الاول 1.50
الثاني ايه اسباب تكون قوية صح عندك حق قوية كون عطيتي مثال تعليل اكثر هههههههه مثال الشخص مايحبكش ولا يقولك خلاص هنا نفرطو في الحب اوك نعطيك المهم قلتي قوية 5
الثالث 3 سكولات ههههههه
احباط هدي الكلمة نحوس عليها 3
الخامس
يعطيك الصحة الحب الصادق الطاهر والعفيف هو الي يخليك تحس بلي تحبو 3
نهنيك على اجوبتك كنت متاكد نلقى عندك الجواب
15.50
شكرا على مرورك سمرا نورتي

HAYEL YA MINOU OK NJARAB NJAWEB MA3A ANI MAJARABTECH LE VRAI AMOUR
كل واحد يعرفهولي بالنسبة ليه اذا جربتو تعرفو تجاوبو مليح

POUR MOI EL 7OB HOWA EL 7AJA EL WA7IDA LI MANKHATOULHACH YA3NI YJI 3LA GHAFLA ET MAHMA NDROU BACH NKHABOU YBAN ET MAN9OLEKECH LI Y7EB LAZEM YA3TI ET YA7TARIM EL TARAF EL AKHAR MAI HADA TABI3I PARCK IDA 7ABIT TE DONNE TOU BLA MAT7ESS ET C T7EB BESSA7 3OMREK MATAJRA7 LI T7EBOU ET ET DNNE TA VIE A LI T7EBOU

2 هل من الممكن تفرط في الي تحب ؟

OUI MOI YEMKIN NDA7I B7OUBI MICH NFARAT IDA KAN HADA EL 7OB MOUSSTA7IL OU BIEN NKOUN 3ARFA INOU 7OBNA RA7 YJIBLNA EL MACHAKEL PR NOUS ET NOUS FAMILLE B NKHALIH
الى اي مدى ممكن ياثر على حياتك الحب ؟
JE N SAI PA MAI IL YA PA KE 7OB LBINT LIL WALAD MAI ON AIME LA FAMILLE ET NOS AMIES C VEU DIR K NOTRS VIE FIHA KE L 7OB ET BIEN SR WA7ED LI AMOUREU IL VOI LA VIE EN ROSE


ماهو احساسك لما يقولك الطرف الثاني اني نسيتك واني مانحبكش ؟

AH HADI MA3RAF ANA DERTHA BEZF L NAS MAI MAZAL MAJARABTHACH MAI 3LA BALI NEBKI MAI MICH 3LA JALOU MAI 3LA JAL KARAMTI CAR JE PRFR ANA LI N9OULHALOU MAI MANTATARCHE BEZAF

كون انك لما يمرض الطرف الثاني وتحس بيه او يصرالو شيء تحس في رايك موجودة ؟ اذا موجودة هي دل على الحب الصادق الحقيقي

OUI KAYNA MINHA ET OUI J PNSE KE HADA EL DALIL TA3L L VRAI AMOUR

في الأول مينو أنا أفتخر بنقطة 13
خاصة أنها جات من استاذ صعيب كيفك هههههههههههههه
وخاصة أن اعتبرتني ما جاوبتش على 2 أسئلة
وانت من الاول مش مقتنع براي
على العموم شكرا على النقطة ولو اني مش مقتنعة

هلا ليليا توحشناك نورتي


POUR MOI EL 7OB HOWA EL 7AJA EL WA7IDA LI MANKHATOULHACH YA3NI YJI 3LA GHAFLA ET MAHMA NDROU BACH NKHABOU YBAN ET MAN9OLEKECH LI Y7EB LAZEM YA3TI ET YA7TARIM EL TARAF EL AKHAR MAI HADA TABI3I PARCK IDA 7ABIT TE DONNE TOU BLA MAT7ESS ET C T7EB BESSA7 3OMREK MATAJRA7 LI T7EBOU ET ET DNNE TA VIE A LI T7EBOU كلامك صح ليليا ناقصو تطبيق برك 1.50


الثاني
OUI MOI YEMKIN NDA7I B7OUBI MICH NFARAT IDA KAN HADA EL 7OB MOUSSTA7IL OU BIEN NKOUN 3ARFA INOU 7OBNA RA7 YJIBLNA EL MACHAKEL PR NOUS ET NOUS FAMILLE B NKHALIH تفرطي شكل وتضحي شكل ثاني 4
الثالث
JE N SAI PA MAI IL YA PA KE 7OB LBINT LIL WALAD MAI ON AIME LA FAMILLE ET NOS AMIES C VEU DIR K NOTRS VIE FIHA KE L 7OB ET BIEN SR WA7ED LI AMOUREU IL VOI LA VIE EN ROSE 3

الرابع
AH HADI MA3RAF ANA DERTHA BEZF L NAS MAI MAZAL MAJARABTHACH MAI 3LA BALI NEBKI MAI MICH 3LA JALOU MAI 3LA JAL KARAMTI CAR JE PRFR ANA LI N9OULHALOU MAI MANTATARCHE BEZAF هو الخاسر مش انت حطيها في بالك 2

الخامس
OUI KAYNA MINHA ET OUI J PNSE KE HADA EL DALIL TA3L L VRAI AMOUR 3

ليليا اجوبتك منطقية كي تجربي تكون اكثر دقة
شكرا الف شكر
13.50 راني راخف يدي في التصحاح عاونتكم

حويتة كفاه ماعجبتكش النقطة ماتغانيش يا لخروبية متاكد كي تجربي الحب تعرفي جوابك تاع الصح راني نعني واش نقول وزيد نسيتي زوج اسئلة خلتيها