انت عمري

أنت عمري


كلمات: أحمد شفيق كامل

غناء: أم كلثوم








رجعوني عنيك لأيامي اللي راحوا


علموني أندم على الماضي وجراحه



اللي شفته قبل ما تشوفك عنيه



عمر ضايع يحسبوه إزاي عليّ



أنت عمري اللي ابتدي بنورك صباحه





* * *



قد إيه من عمري قبلك راح وعدّى



يا حبيبي قد إيه من عمري راح



ولا شاف القلب قبلك فرحة واحدة



ولا ذاق في الدنيا غير طعم الجراح



ابتديت دلوقتي بس أحب عمري



ابتديت دلوقتي أخاف لا العمر يجري



كل فرحه اشتاقها من قبلك خيالي



التقاها في نور عنيك قلبي وفكري



يا حياة قلبي يا أغلى من حياتي



ليه ماتقابلتش بهواك يا حبيبي بدري



اللي شفته قبل ما تشوفك عنيه



عمري ضايع يحسبوه إزاي عليّ



انت عمري اللي ابتدي بنورك صباحه





* * *



الليالي الحلوه والشوق والمحبة



من زمان والقلب شايلهم عشانك



ذوق معايا الحب ذوق حبه بحبه



من حنان قلبي اللي طال شوقه لحنانك



هات عنيك تسرح في دنيتهم عنيه



هات ايديك ترتاح للمستهم ايديه



يا حبيبي تعالى وكفاية اللي فاتنا



هو اللي فاتنا يا حبيب الروح شويه



اللي شفته قبل ما تشوفك عنيه



عمر ضايع يحسبوه إزاي عليّ



انت عمري اللي ابتدأ بنورك صباحه





* * *



يا أغلى من أيامي



يا أحلى من أحلامي



خدني لحنانك خدني



من الوجود وابعدني



بعيد بعيد أنا وانت



بعيد بعيد وحدينا



عالحب تصحى أيامنا



ع الشوق تنام ليالينا



صالحت بيك ايامي



سامحت بيك الزمن



نستني بيك آلامي



ونسيت معاك الشجن





* * *



رجعوني عنيك للأيامي اللي راحوا



علموني أندم على الماضي وجراحه



اللي شفته قبل ما تشوفك عنيه



عمري ضايع يحسبوه إزاي عليّ